LITERATURA
BAZTERTUTA
"Egia esan gutxi irakurtzen dugu"
ECD
"Hau
irakurri baino dibertigarriagoa da", esan zuen atzo Beñat Otxandorenak,
Irunberriko Arangoiti Nafarroako ikastolako ikasle bat, "Narigota"
ordenagailuko jokuan jolasten zuen bitartean. Hamar urteko ume honen
hitzak beste batzuek ere esan zituzten, euskal liburu eta disko
azokan lehenengo jornadan, teknologia berriak eta musika lortzen
dutenean literatura baztertzea.
38. azokako edizioan teknologiaren arloan 25 sofware produktu berri
eta 41 edizio digital ikusi ahal izan dira. Iaz, adibidez, 14 produktu
baino ez ziren aurkeztu teknologiarekin lotuta. Euskaltelek jarri
duen txokoa jendez gainezka zegoen baina han bildu ziren gazteek
ez zituzten programa didaktikoak erabiltzen, ordenagailu jokuak
baizik. Ohiuka etxe diskografikoan "pin pan pun"en taldekide
bat zegoen euren bigarren diskoaren posterrak sinatzen.
Handik zebiltzan, Aitor Fernández, Mikel Gutiérrez, Joseba Ángulo
eta Kadder Kerroum, Bilboko Gabriel Aresti institutokoei gehien
guztatzen zaiena musika entzutea dela esan zuten, eta egian esan
irakurtzea berriz euren kabuz oso gutxi egiten dutela ihardetsi
zuten.
Unai Abaurrea, Arangoiti Nafarroako Ikastolako ume bat Oskorriren
asken diskoa bilatzen zegoen amamari oparitzeko. Eta Oier Lasarte
Ondarrutarra, oso pozik zegoen Berri Txarraren azken diskoa erosi
ondoren, berak ere ordenagailuarekin jolastea irakurtzea baino nahiago
zuela esan zuen. Beste batzuei, ordea, irakurtzea gustatzen zaie
baina erderaz euskeraz baino gehiago irakurtzen zutela baieztatu
zuten, erresagoa dela eurentzat adierazi zuten.
|